Në një sondazh të fundit, qyetarët europianë janë pyetur se kë do të votonin për të qenë President të BE-së, nëse Angela Merkel dhe Emanuel Macron ishin kandidatët e vetëm.

Shumica e të të anketurve janë përgjigjur për Angela Merkel, transmeton portal arbresh.info

Në 12 vende ku është mbajtur sondazhi, përfshirë edhe Francën, anketuesit kanë theksuar se do të votonin për Angela Merkel, njoftoi Këshilli Evropian për Punët e Jashtme.

Në total, 41 përqind e të anketuarve do të votonin për Merkelin dhe vetëm 14 përqind për Macron, sipas një studimi të organizatës së pavarur të grupit të ekspertëve.

Gjithashtu, sondazhi gjeti se mbështetja për Angela Merkel ndryshon nga vendi në vend, për shembull në Hollandë ajo morri përqindje më të lartë sesa në Bullgari.

Sondazhi tregoi se 58 përqind e holandezëve, 57 përqind e spanjollëve dhe 52 përqind e portugezëve do të votonin për Merkelin para Macron. Nga ana tjetër, në Bullgari, 31 përqind e të anketuarve do të votonin për Merkelin dhe 12 përqind për presidentin francez, ndërsa pjesa tjetër ose nuk do të votonin ose nuk e dinë se për kë do të votonin.

Macron do të merrte shumicën e votave në Hungari me 24 përqind.

Më pak se dhjetë për qind e qytetarëve në Holandë, Spanjë, Itali dhe Poloni do të votonin për Macron.

“Kancelarja duket se ka fituar besimin e europianëve shumë më tepër me stilin e saj teknokratik të qeverisjes së vendit sesa Macron me fjalimet e tij vizionare,” thuhet në raport.

Organizata e pavarur kërkimore gjithashtu thekson se mbështetja e Angela Merkel është e madhe si në anëtarët “kursimtarë” nordikë të BE -së, ashtu edhe në ata nga jugu i bllokut, të cilët zakonisht kanë pikëpamje krejtësisht të kundërta për çështje të shumta të politikave europiane, veçanërisht në lidhje me ekonominë dhe financat.

Kur bëhet fjalë për pozicionin e Gjermanisë pas “epokës Angela Merkel”, një e treta e të anketuarve nga 12 vende besojnë se “Epoka e Artë Gjermane” është një gjë e së kaluarës.

Një e pesta e të të anketuarve mendojnë se Gjermania ka shënuar kulmin e prosperitetit gjatë udhëheqjes së Angela Merkel.

“Pa Angela Merkel, themelet e rolit drejtues të Gjermanisë në Europë do të jenë dukshëm më të dobëta, nëse qeveria e re nuk zbaton një strategji të besueshme që shkon përtej” Merkelizmit “,” thuhet tutje në raport./arbresh.info/